ഉം തുടക്കം 1978 ഡിസംബര് 28 തണുത്ത വെളുപ്പാന് കാല്ത്തെന്നൊക്കെ പറയില്ലേ അത് തന്നെ..
തലശ്ശേരി നിന്നും പുറപ്പെടുന്നത് അതിന്നും രണ്ട് വാരം മുമ്പേ ആയിരിക്കണം.ദിവസം ശരിക്കും ഓര്മ ഇല്ലാ..എന്നാലും ഒന്നറിയാം..ആ ദിവസം ആയിരുന്നു നമ്മുടെ മുന് പ്രധാന മന്ത്രി(നി) ഇന്ദിരാ ഗാന്ധിയെ ജനതാ പാര്ട്ടി സര്ക്കാര് അറസ്റ്റ് ചെയ്തത്. ബോംബെ (ഇന്നത് മുമ്പേ) ബസില് കയറി തലശ്ശേരി നിന്നും ബോംബയ്ക്കുള്ള യാത്രയില് ബസിലെ മാനേജര് ഈയുള്ളവന്. അതിന്നുള്ള എന്ടെ അര്ഹത ആ ട്രാവല് ഓഫിസില് ആയിരുന്നു ഒരു 2 ആഴ്ച് മുമ്പ് വരെ എന്ടെ ജോലി എന്നത് തന്നെ. വിവാഹം കഴിഞ്ഞ 50 ആം ദിവസം ദുബൈക്ക് വണ്ടി കയറുന്നതിന്റെ ആദി പിടിച്ച മുഖവുമായി യാത്ര തുടങ്ങുന്ന ഒരു ചെറുപ്പക്കാരന്റെ വേദന അറിയാമല്ലോ? ബസ് കാസറഗോഡ് കഴിഞ്ഞതും മുമ്പില് ഒരു പാട് വണ്ടികള് നിര്ത്തിയിട്ടിരിക്കുന്നു. ഇന്ദിരാ ഗാന്ധിയെ അറസ്റ്റ് ചെയ്തതില് പ്രതിഷേധം. വണ്ടി ഇന്നേതായാലും വിടില്ല എന്ന മട്ട്. ഭാവി പരിപാടി എന്തെന്ന യാത്രക്കാരുടെ ചോദ്യങ്ങള്.മാനേജര് ഒരു തീരുമാനം എടുക്കണം. വണ്ടി മുംപോട്ടോ പിന്നോട്ടോ. തിരിച്ച തലശ്ശേരിയ്ക്ക് പുറപ്പെടാന് തീരുമാനം. അങ്ങിനെ പൂച്ചയെ നാട് കടത്തിയ മട്ടില് വീണ്ടും തിരിച്ച് ജന്മ നാട്ടില്. പിന്നെ നാട്ടുകാരും വീട്ടുകാരും കൂടി എന്നെ നാട് കടത്തുന്നത് ഒരു വാരം കൂടി കഴിഞ്ഞിട്ടാ.. അത് തീ വണ്ടിയില്.